বিচ্ছেদ .

      কালিলৈ তুমি মোৰেই আছিলা,
        আজি আনৰ হৈ গ'লা l
         নিষ্ঠুৰ সময়ৰ তাগিদাত ;
         সকলো পাহৰিলা হঠাৎ !
         আমি বিচ্ছেদ কিয় হলো ?
          -- ভাৱিছা নেকি পাহৰিলো ;
              আজিও মনত আছে ,
          ......................... সঁচায়ে !
          -বেয়াকৈ কৈছিলো তোমাক ;
          কিন্তু তুমি এবাৰো নাভাৱিলা,
          পৰিবৰ্তে তুমিওঁ খং কৰিছিলা l
      ভৱা নাছিলো মোৰ অভিমান খঙত ;
        মধুৰ সম্পৰ্কও পৰিব বিপাঙত l
       আমাৰ বিচ্ছেদৰ বাবে দায়ী কোন ?
                 তুমি নে মই ?
              .............নহয়,
               সেই নিষ্ঠুৰ সময় !
               মেঘাছন্ন আকাশ ;
             কাউৰীৰ কৰ্কশ মাত l
             সেই কালান্তক মূহুৰ্ত;
            সেয়াই কিজানি বিচ্ছেদৰ চৰ্ত l
    
                     খন্দকাৰ জাহাঙ্গীৰ আলম